banner-privat1

banner-collectif1

banner-business

banner-contact

Votre Panier

votre panier est vide

Et as also elo en neien japaneschen Restaurant um Belval opgaangen deen Nonbe, dat vum Wuert Nomu kënnt an esou vill ewéi « drénken » , heescht. Den Patron as den Jean-Paul Choi, en chineseschen Business Man deen an der Belsch wunnt an « vice-champion du monde Saké » as. Him gehéiert och den Origami, wou en excellenten gudden Saké zerwéiert leider mat mëttelméisseg bis schlechtem Sushi.

Elo säin neien Restaurant : Nonbe, deen ab haut den 20 Mäerz op gaangen as.

Den Restaurant selwer, esou schreift hien op senger Facebook Säit, as vum japaneschen Architekt Shubei Aoyama, gebuer 1980, entworf ginn. Den 37 Järegen Japaner huet Talent, den alen traditionellen Style mam neien modernen ze verbannen.

En japaneschen Architekt probéiert dem Raum eng Ausstralung ze ginn, déi dech als Client, an den Zen-Modus bréngt an deem s en Materialien an Formen esou ob erneen ofstëmmt, dass däin Gehier sech der Harmonie unhëlt, an s du däin Stress ausblenns.

Vun dohier schonn emol : NICE !

Ob senger Facebook Säit huet den Jean-Paul dann och e puer Fotoen vun Test Platen gepost an gëtt och gläichzäiteg d’Kachrichtung un : « Izakaya » an « Kaiseki »

« Kaiseki » (Kaiseki ryori) as ugesinn als La Haute Cuisine Japonaise. Dat as wéi et haut ugesinn gëtt, mee Kaiseki huet eng signifikativ an komplexe Roll an der japanescher Iessen s Kultur gespillt. Den « ideal » vun Kaiseki as d’Harmonie zweschen dem Iessen, dem Iessgeschir, dem Ëmfeld dobannen an der Saison dobaussen. D’Kichen « Kaiseki » as dat Iessen wat virun der Cérémonie du Thé (chanoyu oder sado) zerwéiert gëtt. D’Haaptmerkmal vum Kaiseki as, dass et just kléng Platen ginn, wat als Ziel huet, dass de déi eenzel Saachen méi genéissen kann s an ganz wichteg : alles as getimed an soll déi perfekten Temperatur hunn. Dofir soll s de och direkt ufänken mat iessen esou bal s du zerwéiert gouf s, well soss d’Temperatur net méi déi as ewéi se sollt sinn.

Kasiseki léist sech an folgend Punkten resuméieren :

  • den Produit as dat wichtegst, an soll saisonal (shun) oder liicht viir saisonal (hashiri) sinn.
  • et dierf kéng Kach Technik 2x benotzt ginn
  • All Plat muss déi perfekten Temperatur hunn
  • den Goût vum Plat as genau esou wichteg ewéi seng Presentatioun
  • Dat wat zerwéiert gëtt (Plat, Iessgeschir, den Restaurant an d’Saison) muss an Harmonie sinn

Wat hale mer bis elo fest : wann een seet en géif Kaiseki Kichen maachen, as dat eleng schonn « HOLY SHIT » !!!

Wat as dann elo Izakaya ? Mir kenne bei ons den « Bar-Restaurant ». Den « Restaurant » Deel as den "Kaiseki" an den Bar Deel as den "Izakaya" wat esou vill heescht ewéi « i » bleiwen an « sakaya » Saké Shop. Also eng Art Bar fir den After-Work mat schwéier Punkt um Saké.

Wat feelt dann elo ? Majo den Chef ! Vun deem gëtt net geschwat. Anscheinend en ganz gudden a Japan. Mee, ech denken, et as ewéi am Basket Ball wou en Amerikaner op Lëtzebuerg Spille kënnt. En as en gudde Spiller, géif awer an Amerika nie en Fouss op den Bueden kréien.

Den Chef as den Norihiro Imamura. En Artikel vun 2013 schwätz vun himm am Restaurant Bizan zu Paräis, wou en kuerz geschaft huet, mee démols schonn Kaiseki Kichen gemaach huet. Sinn mer emol gespannt ! 

Vun wat hunn mer elo hei net geschwat : Sushi ! Do gees de net Sushi iessen, mee japanesch. Sushi as eng Welt an Konscht fir sech. An den Nobe gees de Kaiseki Kichen genéissen. Mee as Lëtzebuerg prett fir esou en Restaurant ? Verstinn mir iwwerhaapt wat do zerwéiert gëtt an wësse mir dat Ritual, wat dat Iessen am Fong as, ze würdegen oder iesse mer do esou ewéi d’Pizza beim Italiener ?

Ech soen ëmmer, et as net ons Kultur, vun dohier wäert et schwéier ginn deem Ganzen säin gerechten Wäert ze ginn.

Affaire à suivre….

Login

Login